Астана полицейлері анасымен бірге бір жасар баланы қағып кеткен жүргізушіні ұстады

Оқиға 7 маусым күні, таңертеңгі сағат 10 жарымда болды. Бейбітшілік көшесімен Жангелдин көшесіне қарай бет алған белгісіз тұлғаның басқаруындағы «Toyota Estima» көлігі «Визави» дәмханасының жанында қолында 1 жасар баласы бар 29 жастағы жаяу жүргіншіні қағып кетіп, оқиға орнынан дереу ізін суытқан. Жол-көлік апатынан зардап шеккен бір жасар сәби Астана қаласының №2 қалалық балалар ауруханасына жеткізіліп, жан сақтау бөліміне жатқызылды. Дәрігерлердің қойған диагнозы: «бас сүйек пен мидың жабық жарақаты, бас миының соғылуы және желке сүйегінің сынуы». Оқиғадан кейін бірнеше сағат бойы іздестіру жұмыстарын жүргізген жол полициясы қызметкерлері «Toyota Estima-ның» 30 жастағы жүргізушісі - Астана қаласының тұрғынын анықтап, қолға түсірді.