«Тұтқындалушы бірқатар ЖШС («Фабрика недвижимости, «Арқа құрылыс компаниясы НТ», «ТН Сервис» компаниясы», «Астана шебер», «Гранд Престиж Строй» және «Аист құрылыс» компаниясының) директоры және құрылтайшысы болып тұрып, 2006 және 2007 жылдары «Көкшетау», «Оқжетпес», «Жұлдыз», «Тассай», «Көктөбе» тұрғын үй кешендерінің үлескерлерінен қолма-қол және қолма- қол емес түрде 1,6 млрд теңгеден астам сомадағы қаражат жинаған», — деді А. Кәрімов.
Оның мәліметтеріне сүйенсек, алаяқтық іс-әрекеттер жасады деген күдікті 93,9 млн тңге көлеміндегі үлескерлердің қаражатына құрылыс материалдарын сатып алып Астана қаласындағы 5 коттедждің құрылысына пайдаланған. «Ақыр соңында істеген әрекеттері үшін жаза тартудан қашқақтап, жасырынған. Сосын оған іздеу салынды», — деп атап көрсетті Елорданың қаржы полициясының бастығы.
Жақында күдіктінің Көкшетау қаласында Астананың қаржы полициясының шұғыл қызметкерлері қамауға алып, уақытша тергеу изоляторына қамаған. «Қазіргі уақытта ол Астана қаласының уақытша тергеу изоляторына жеткізілді. Оны айыптау бойынша алдын ала тергеу жұмыстары аяқталуға жақын. Іс сотқа берілуге дайындалуда», — деп сөзін түйді А. Кәрімов.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті