Жарияланды: 380

Астанада апатты көппәтерлі үйлерде тұрып жатқандар жаңа пәтерлерге көшіріледі

Елордада өте қауіпті апатты жағдайдағы көппәтерлі үйлерде тұрып жатқан тұрғындар жаңа пәтерлерге көшіріледі. Бұл туралы бүгін Елбасының қатысуымен өтіп жатқан Астананың келешектегі дамуына арналған кеңесте елорда әкімі Иманғали Тасмағамбетов мәлім етті.

Әкімнің сөзіне қарағанда, Астанада апатты жағдайда тұрғандардың санатына жататын 231 көппәтерлі үй бар. Оның ішінде 86-сы тұруға айтарлықтай қауіпті тұрғын үй болып анықталды. Осы орайда ол, бұл мәселені кезең-кезеңмен шешіп, қаланың коммуналдық меншігінен 490 пәтерді қаладағы Кенесары көшесі бойындағы Сембинов көшесі қиылысынан, Брусиловский көшесі қиылысына дейінгі үйлерде тұрып жатқан тұрғындарға ұсыну керектігін айтып өтті. Сонымен қатар қала басшысы тұрғын үйдің ауданы 1:1 есебімен алмастырылатынын жеткізді. Алғашқы кезеңде 21 үй сүріліп тасталатын болады.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть