Астана қаласы шахмат федерациясының және Ұлттық шахматшылар одағының құрылуына арналған дода 12 жасқа дейінгі жеткіншектер арасында ұйымдастырылып отыр. Турнир Қазақстанның үздік шахматшыларының бастамасымен құрылған Ұлттық шахматшылар одағы ұйымының жаңа шахмат мектебінде өтуде.
Балалар сайысының ашылу рәсіміне ҚР Туризм және спорт вице-министрі Қайырбек Өскенбаев келіп құттықтау айтты. Кейін ұйымдастырушылар ойластырғандай Қ. Өскенбаевқа турнирдің алғашқы жүрісін жүру құқығы берілді.
Қазанның 11-іне дейін жалғасатын сайыстың жеңімпаздары бағалы сыйлықтармен және дипломдармен марапатталады.
