Бұл туралы Caravan.kz медиа порталы Sputnik.kz-ке сілтеме жасап хабарлайды.
Астана әкімі Жеңіс Қасымбек әлеуметтік желідегі парақшасында биыл қалада 8 студенттер жатақханасы ашылатынын хабарлады.
Оның айтуынша былтыр 4 мың 200 орынға арналған 7 студенттер жатақханасы салынып, пайдалануға берілді. Олар – Л.Н. Гумилев атындағы ЕҰУ, «Тұран Астана» университеті, Медицина университеті, Astana IT university студенттеріне және т.б. арналған жатақханалар.
«Биыл тағы 8 жатақхананы пайдалануға беру жоспарланып отыр. Олар қосымша 3,5 мың орын ашуға мүмкіндік береді. Сонымен қатар, жоғары оқу орындарына оқу ғимараттарын салу үшін жер учаскелері бөлінді, онда студенттер жатақханаларының құрылысы да қарастырылған», — деп жазды Жеңіс Қасымбек.
2023 жылдан бастап студенттер жатақханасын салу бойынша жобалық кеңсе жұмыс істейді. Фронт-офистің негізгі міндеті – жатақханалар салу бойынша мемлекеттік бағдарламаны жүзеге асыру үшін қолайлы жағдайлар жасау және студенттерді баспанамен қамтамасыз ету, сол сияқты ЖОО-лар мен әлеуетті инвесторларға заңгерлік, консультациялық және сараптамалық қолдау көрсету