Астанада ер адам мен ұл бала Есіл өзеніндегі мұздың астына түсіп кетіп, мерт болды

«Тұлпар» ат спорты кешенінің маңайында белгісіз жағдайда 60 жастағы ер адам мен 9 жасар ұл бала Есіл өзеніндегі мұздың астына түсіп кетіп, қаза болды. ҚР ТЖМ-нің баспасөз қызметінен хабарлағандай, баланың денесі сағат 17.40-та Астана қаласы бойынша ТЖД мен «Шұғыл құтқару қызметі» ММ-нің судан-құтқару қызметінің күшімен (7 адам мен 3 техника) жер бетіне шығарылды. Ер адамның денесін іздестіру жұмыстары бүгін жалғастырылатын болады.