Астанада ЕурАзЭҚ мемлекетаралық кеңесінің мәжілісі басталды

Астанада ЕурАзЭҚ мемлекетаралық кеңесінің мәжілісі басталды. Оған Қазақстан президенті Нұрсұлтан Назарбаев, Қырғызстан президенті - Асқар Ақаев, Ресей президенті - Владимир Путин, Беларусь президенті -Александр Лукашенко, Тәжікстан президенті Эмомали Рахмонов қатысып отыр,- деп хабарлайды KZ-today тілшісі Елбасының Астанадағы сарайынан.

Қазір отырыс мемлекет басшыларының жеке кездесуі түрінде өткізілуде. Кейінірек президенттерге сарапшылар, кеңесшілер мен делегация өкілдері бірігіп, кеңейтілген құрамдағы отырыс басталады.

Бұдан бұрын да хабарлағанымыздай, ЕурАзЭҚ мемлекетаралық кеңесінің мәжілісінде Достастыққа мүше мемлекеттердің заңнамалық негіздерінің мәртебесі туралы келісімге, сондай-ақ, құнды қағаздар рыногындағы ынтымақтастық туралы келісімге қол қойылады деп күтілуде.