Астанада "Фольксваген" автокөлігінің жүргізушісі басқа бір көлік апатының орнында жұмыс істеп жатқан жол полициясы қызметкерлерін соғып кетті. Бір адам қаза тапты

Астанада София тас жолының бойындағы көпір маңында "ВАЗ-2104" автокөлігі мен "ЗиЛ" жүк көлігі соғысты. Апат салдарынан жеңіл автокөліктің жолаушысы жеңіл жарақаттанып ауруханаға түскен, деп хабарлайды ҚР төтенше жағдайлар жөніндегі министрлігі.

Бұл жол апаты 28-қазанда 10 сағат 35 минутта болған. Осы оқиғадан бір сағаттан кейін апат орнында жұмыс істеп жатқан жол полициясының оперативті тобының адамдары мен оқиға куәгерлерін «Фольксваген-Пассат» автокөлігінің жүргізушісі қағып кетті. Апат салдарынан түрлі жарақат алған алты адам ауруханаға жатқызылды. 29-қазан күнгі таңертеңгі жағдаймен апаттан зардап шегушілердің бірі жарақат салдарынан қайтыс болды.