Астанада ИКҰ мүше мемлекеттер Сыртқы істер министрлері кеңесінің 38-ші сессиясы өтеді

Бұл шараға ұйымға мүше мемлекеттердің 56 министрі және 5 бақылаушы мемлекет, 70-тен астам халықаралық ұйымдар басшылары, жалпы 1200-ге жуық делегат келеді деп күтілуде. Бұл туралы бүгін Астанада ҚР Сыртқы істер министрлігінің ресми өкілі Асқар Әбдірахманов мәлім етті. «Іс-шараның көлемін, сондай-ақ ЕҚЫҰ саммитін дайындау кезіндегі жоғары оқу орындарының студенттерін қатыстырудың оң тәжірибесін ескеріп, ҚР СІМ ИКҰ министрлері кездесуін өткізу ойынша көмек көрсету үшін еріктілер қабылдауды жариялайды»,-деді А. Әбдірахманов. А. Әбдірахмановтың айтуынша, аталған іс-шара ағымдағы жылы Қазақстанда өтетін маңызды сыртқы саяси іс-шаралардың бірі болып табылады.