«Өткен жылғы осы мерзіммен салыстырғанда қантышқақпен ауыру деңгейі 1,8 есе, сальмонеллезбен ауыру деңгейі 16 процентке артты»,- деді Ж.Бекшин.
Оның айтуынша, «осы жылдың алғашқы жартысында Астанада асқынған іш ауруына шалдығу көрінісі 517 мәрте тіркелсе, оның екеуі кісі өлімімен аяқталған. Ал 2005-жылдың 6 айында осындай 487 оқиға тіркелген болатын».
Маманың айтуынша, «әсіресе 14 жасқа дейінгі жеткіншектер бұл дертке көбірек шалдығуда. Олардың үлесіне асқынған іш ауруының 82 проценті тиеді». Дәрігер ондай жағдайға тұрғындардың санитарлық-гигиеналық сауатының төмендігі себеп деген пікірде. «Аналардың 25 проценті баланың бағым-күтімі жөнінен бейхабар болса, ауырған балалардың 17 проценті лас жағдайда күн кешеді»,- деді ол.
Сонымен бірге Ж.Бекшиннің хабарлауынша, рейд нәтижесі бойынша тазалық талаптарын сақтамаған жеміс және көкөніс сататын 25 сауда жаймасы, 17 бөлшек сауда орны жабылып, 12 млн. теңгенің айыппұлы салынды.
