Астанада Каспий теңізінің құқықтық мәртебесі жөніндегі мекемеаралық комиссияның бірінші кеңесі өтті

Мекемеаралық комиссия — Қазақстан үкіметінің жанындағы консультативтік -кеңес органы болып табылады. Ол мүдделі министрліктер мен мекеме өкілдерінен құралады.

Комиссия іс-қызметінің басты мақсаты — Каспий теңізінің құқықтық мәртебесін айқындау жөнінде ұсыныстар дайындау және мемлекеттік мекемелер арасындағы ықпалдастықты үйлестіру болып табылады.
Отырыс барысында комиссия мүшелері Каспий теңізіне қатысты бүкіл мәселелер кешені бойынша мақсат-міндеттерді айқындады.