Чемпионатты Халықаралық балалар мерекесіне орайластырып «ҚазМұнайГаз Өнімдері» акционерлік қоғамы ұйымдастырып отыр. Оған ҚР Автомотоспорт федерациясы қолғабыс етуде. Жарыстар «Астана-Петропавл» автожолының 7-ші шақырымында орналасқан жол бойы сервисі кешенінің аумағында (Өндіріс көшесі, 107/1) өтеді.
Жарыстар екі санат бойынша өтеді: моно-жетекте және толық жетекте. Сайыс шарты бойынша, екі көлік әртүрлі мүсіндер қойылған қиын трассаға бір мезгілде шығып, екеуі екі бағытқа қозғалады. Бір-бірін озып кетуге тырысып, толық шеңбер жасап шығады.
Ұйымдастырушылардың айтуынша, трассада кез келген жүргізуші бағын сынап көре алады.
Іс-шараға қатысуға «Кәмелетке толмағандарға арналған жетімхана» мемлекеттік мекемесінің және Қ.Мұңайтпасов атындағы Спортта дарынды балаларға арналған республикалық мектеп-интернаттың тәрбиеленушілері шақырылып отыр.