Астанада мүгедек балаларға арналған олимпиада басталды

Special Olympics Kazakhstan ұйымының ақпарына сүйенсек, «Еліміздің 11 облысы, Алматы мен Астана қалаларынан келген спортшылар мен Ресей командасы коньки мен шаңғы жарыстарынан, флорболдан (допты хоккей) сайысқа түседі».

Қазақстанда 153 мың мүгедек бала тұрады. Special Olympics қозғалысы соның 15 мыңнан астамын спорттың 18 түріне тартқан.
«1991 жылдан бері Қазақстан командалары Еуропа мен әлемдік арнайы олимпиадаларда сәтті ойын көрсетіп, медаль алып қана қоймай, Қазақстанның беделін арттырып жүр», делінген Special Olympics Kazakhstan хабарламасында.
Арнайы қысқы Олимпиада елімізде тұңғыш рет өткізіліп отыр.