Астанада православиелік рухани орталық ашу жоспарланған

Метрополиттің пікірінше, Астанада бүгінге дейін бір ғана ескі шіркеу — бұрынғы казактардың храмы ғана жұмыс істеп келгендіктен, жаңа православиелік собор салу қажет. «Бұл шіркеуге қазір 150 жыл болды. Ғимараты ескі әрі тар»,- деді ол.

Жаңа шіркеуді салу үшін шешілмей тұрған жалғыз нәрсе — құрылысқа арналған жер мәселесі болмақ. «Қалалық сәулет қызметі бізге не қала сыртынан, не болмаса қала аудандарының біріндегі көп қабатты тұрғын үйлер маңынан жер ұсынып отыр»,- деді шіркеу дінбасы.
Оның айтуынша, қалалық билік пен шіркеу өкілдері қазір өзара пәтуалы шешімді іздестіруде. Метрополиттің айтуынша, Астанадағы шіркеу құрылысы таяу уақыттарда қолға алынады.