Астанада қанша адам жұмыссыз отыр?

Бұл туралы Экономика және бюджеттік жоспарлау басқармасынан мәлім етті. Астана қаласы әкімдігінің ресми сайтында хабарланғандай, 2012 жылдың басынан бері жұмыс іздеп, 10 398 адам жүгінген. Олардың 6 638-і немесе 63,8 пайызы - әйелдер. 14-29 жас аралығындағы жастардың үлесі 61 пайыз немесе 6 343 адам. 9 айдың ішінде 3 624 адам еңбекке орналастырылды. Еңбек нарығында жұмыссыз азаматтарға қолдау білдіру және бейімдеу мақсатында Астана қаласының Еңбекпен қамту және әлеуметтік бағдарламалар басқармасы белсенді іс-шаралар қабылдауда. Кәсіптік білім беруді ұйымдастыру аясында білім беру ұйымдарымен екіжақты келісімдерге қол қойылды. 2012 жылдың басынан бері кәсіби даярлықтан, қайта даярлықтан өтуге және біліктілікті арттыруға 636 адам жолданып, 39-ы еңбекке орналастырылды. Сондай-ақ 133 жұмыс берушімен ақылы қоғамдық жұмыстарды ұйымдастыруға келісімшарттар жасалды. Жыл басталғалы қоғамдық жұмыстарға 2 572 адам жолданды. Ағымдағы жылдың 1 қазанындағы жағдай бойынша, еңбекпен қамту органдарының базасында 1 335 бос жұмыс орны бар.