Жарияланды: 740

Астанада Қарашығанақ Петролеум Оперейтинг компаниясы мен Қарашығанақ жобасы бойынша Бірлескен басқару комитеті хатшылығының өкілдігі ашылды

Астанада "Қарашығанақ Петролеум Оперейтинг б.в. " компаниясы мен Қарашығанақ жобасы бойынша Бірлескен басқару комитеті хатшылығының өкілдігі ашылды. Бұл туралы KZ-today тілшісіне ҚПО компаниясының бұқарамен байланыс бөлімінен хабарлады.

Компания өкілдерінің пікірінше, жаңа кеңселерді ашу ҚПО-ның еліміздегі мемлекеттік мекемелермен, соның ішінде бірінші кезекте Қарашығанақ жобасын жүзеге асыруда мемекет мүддесін қорғайтын "ҚазақМұнайГаз ҰК" ЖАҚ-мен өзара ынтымақтастық тиімділігін арттыруға мүмкіндік береді. "Қарашығанақ Петролеум Оперейтинг б.в. " компаниясының Астанадағы өкілдігін Клаудио Кольятти, ал Бірлескен басқару комитеті хатшылығын Дейв Скиллз басқаратын болды. Бұған дейін бұл адамдар "Эни" және "Би-Джи Групп" компанияларында жауапты қызметтер атқарған. "Қарашығанақ Петролеум Оперейтинг б.в. " компаниясының бас директоры Паоло Кампеллидің айтуынша, бұл оқиға жобаны дамытуда жаңа кезеңнің басталғанын, сондай-ақ, компанияның құрылтайшылары мен ҚР үкіметі арасында 1998-жылдың қараша айында қол қойылған Өзара өнім бөлісу жөніндегі негізгі келісімнің шарттарына бағынуға әзірлігін меңзейді. Кеңселердің ресми ашылу салтанатына "ҚазақМұнайГаз ҰК" ЖАҚ-ның басқарушы директоры Жақып Марабаев, "Би-Джи Групп" компаниясының Азия, Орта және Таяу Шығыс елдеріндегі атқарушы вице-президенті әрі басқарушы директоры Дэйв Робертс, ҚПО компаниясының бас директоры П.Кампелли басқарған сапартоп қатысты.

Пікір қалдырыңыз

Пікір қалдыру тіркелген пайдаланушылар ғана мүмкін