Астанада саяжайда болған өрт салдарынан төрт адам ауруханаға түсті

Өрт 5-тамызда Қорғалжың тас жолының бойындағы «Родничок» саяжайлар қоғамында шыққан. Өрт салдарынан 4 адам, соның ішінде 5 жастағы бала 2-3 дәрежелі күйікке шалдықты.

Тілсіз жау 12 шаршы метр аумақты шарпыған. Өрт сөндірушілер жалынды бір сағатта әрең ауыздықтады. Өрт сөндіру жұмыстарына ҚР төтенше жағдайлар жөніндегі Агенттігінің мемлекеттік өртке қарсы күрес қызметінің 15 адамы мен 2 техникасы жұмылдырылды.