Жиынға ШЫҰ-ға мүше елдердің үкімет басшылары және бақылаушы мемлекеттердің, атап айтқанда Үндістан, Иран, Моңғолия және Пәкістан елдері үкіметтерінің жетекшілері, сондай-ақ құрметті қонақ ретінде Ауғанстан үкіметінің мүшелері қатысады.
«Отырыста ШЫҰ-ға мүше мемлекеттер арасындағы саяси, сауда-экономикалық, ғылыми-техникалық және гуманитарлық салалардағы бұдан былайғы өзара іс-қимылдар, сондай-ақ жаһандық қаржы дағдарысы кезіндегі әлемде қалыптасқан жағдай туралы пікір алмасылады. Мәжілістің қорытындысы бойынша бірқатар құжаттарға қол қою жоспарланып отыр», деді ресми өкіл.
Е. Ашықбаевтың айтуынша, аталмыш мәжіліс қарсаңында қазанның 27-28-і күндері Астанада ШЫҰ-ға мүше елдердің ұлттық үйлестірушілер кеңесінің отырысы өтеді. Онда ШЫҰ-ға мүше елдер үкімет басшылары кеңесінің жиынына дайындық мәселелері қарастырылады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
