Бұнымен ажалдан аман қалған зардап шегуші келіспейді. Өйткені «Бәйтеректің» жанында атылған он оқтың алтауы тиген. 36 жастағы кәсіпкердің қастандық жасамақ болған күдіктілердің бірі — Камил Ибишев изоляторда, екіншісі Илдус Дәуітов қолхатпен бостандықта жүр. Ал тергеу материалдарына сүйенсек, бизнесменді өлтіруге тапсырыс берген бала кезден бірге өскен досы Қауіпсіздік кеңесінің экс-қызметкері Ерлан Анарбек екен. Достар табысты бизнесті өзара бөлісе алмаған. Қылмысты ұйымдастырған басты күдікті Мұрат Садыров та сотқа үйінен келіп жүр. Дәл осы Садыровтың адвокаты қылмыстық іс бойынша әзірленген сот-медициналық сараптаманың қорытындысын мүлдем жою туралы судьяға шағым түсірді.
Таир Назханов, Мұрат Садыровтың адвокаты:
—Тәуелсіз сарапшы сот-медиуциналық сараптаманы жіті қарап, жәбірленуші жеңіл жарақат алған деген қорытындыға келді. Яғни, кәсіпкер Мұқажановтың өміріне аса қауіп төнбеген. Сондықтан, сот-қылмыстық сараптамалардың күшін жойып, оны дәлел ретінде қараудан бас тартуыңызды сұраймын.