Баспасөз қызметінің мәліметінше, Астана қаласының орта мектептерінің бірінде оныншы сыныпта оқитын оқушыны ІІД есірткі бизнесімен күрес басқармасының қызметкерлері 7 ақпан күні ұстаған. Полицейлердің айтуынша, қызды қылмыстық әрекетке тартқан «1981 жылы туған Астана тұрғыны , ол кәмелетке толмаған қыздан тергеу изоляторына сәлемдемені рәсімдеп өткізуді сұраған». «Қазіргі кезде оны қолға түсіру шаралары жүргізілуде», -дейді ІІД қызметкерлері.
Баспасөз қызметінің ақпаратына сәйкес, жыл басынан бері Астана қаласы ІІД есірткі бизнесімен күрес басқармасының қызметкерлері есірткі саудасына қатысты 16 қылмыстық іс қозғаған. 18 адам заңсыз есірткі айналымына қатысты қылмысы үшін ұсталған. ІІД мәліметінше, осы аралықта астаналық полицейлер заңсыз айналымда жүрген 5,4 кг есірткі тәркілеген, оның ішінде 1,5 кг героин.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті