Астанада Тұңғыш Президент музейінде Ұлы Отан соғысындағы Жеңістің 80 жылдығына арналған «Ұлы Жеңіс: тарих беттеріндегі ақиқат…» атты кітап-иллюстрациялық көрме ашылды
Көрме Музей мен Ұлттық мемлекеттік кітап палатасының ұйымдастыруымен өткізілді.
Онда майдан газеттері, әскери үгіт плакаттары, қазақстандық жазушы-майдангерлердің еңбектері сияқты сирек архив материалдары ұсынылды. Келушілер алғаш рет соғыс жылдарының атмосферасы мен шежіресін сақтаған бірегей артефактілерді тамашалау мүмкіндігіне ие болды.
Бұл іс-шара ғылым, мәдениет өкілдерін, қоғам қайраткерлерін, жастарды біріктіріп, халқымыздың ерлікке толы тарихын еске салды.
Көрме мен іздеушілермен өткен кездесу Жеңіс ұрпағына құрмет көрсету ғана емес, сонымен қатар жастарға патриоттық тәрбие берудің маңызды элементіне айналды. Көрменің ашылу рәсіміне қатысушылар мұндай іс-шаралардың Қазақстанның ерлігі өткені туралы естелікті сақтауға септігін тигізетінін және жаңа ұрпаққа бейбітшіліктің, ата-бабаларының ерлігінің маңызын түсінуге мүмкіндік беретінін атап өтті.
Көрме – Жеңіс мерейтойына арналған іс-шаралар циклының бір бөлігі. 2025 жылғы 9 сәуірде профессор Майдан Құсайыновтың жетекшілігімен «Оралған есімдер» атты диалогтық алаң өтеді. Өмірін майданда қаза тапқан жауынгерлердің есімін қайтаруға арнаған ғалымның қатысуымен бұл бейресми, эмоционалды әңгіме болмақ. Онда тағдырлар, жадыны сақтау жауапкершілігі мен жастардың осы маңызды жұмысты жалғастырудағы рөлі туралы сөз қозғалады.
Жалпы, музей ұйымдастыратын іс-шаралар «Дәуір жасампаздары/Замандастар атты тарихи-ескеркіш жобасы аясында өткізіледі. Бұл жоба маңызды тарихи оқиғалар мен тұлғаларды терең зерттеуге бағытталған және заманауи зерттеу әдістерін, жаңа ақпарат көздерін тартуды көздейді.
