Астанада «Жас сарапшы-2012» республикалық байқауының жеңімпаздарын марапаттау салтанаты өтеді

Бұл туралы «Болашақ» қауымдастығының баспасөз қызметі хабарлады. «Жас сарапшы-2012» республикалық байқауы қазан айының басында жарияланып, байқауға қатысуға республиканың түкпір-түкпірінен барлығы 234 студент тілек білдірді. Екі кезеңнен кейін, олардың ішінде бірінші кезеңнің қорытындысымен экономикалық тақырыпта эссе жазу, ал екіншісі - кейс-тапсырмаларды шешуде жақсы нәтиже көрсеткен 11 студент елордаға әңгімелесуге шақырылды. Олардың ішінде байқау комиссиясымен әңгімелесудің қорытындысы бойынша үш жеңімпаз анықталды. Жеңімпаздар соңғы үлгідегі гаджеттермен қоса, ең бастысы - «Халықаралық бағдарламалар орталығы» АҚ-да сараптамадан өтуге мүмкін алады. Шараға байқау жеңімпаздары, «Болашақ» қауымдастығының басшылығы, «Халықаралық бағдарламалар орталығы» АҚ, сонымен қатар бұқаралық ақпарат құралдары қатысады.