«20 тамызда Астана ІІД қызметкерлерінің іздестіру шараларының барысында Бақтияр Жаманғараевтың тұрған жері анықталды. Ол Қарағандыда жалға алынған пәтерде болған. Қазіргі кезде ол ата-анасымен бірге, дін аман, денсаулығына зақым келмеген», — деп хабарлады елорда ІІД баспасөз қызметінен.
Полиция дерегінше, құқыққа қайшы іс-қимылдар болмағандықтан, жас жігітке қатысты қылмыстық іс қозғалмайды.
Естеріңізге сала кетейік, 11 тамыз күні Бақтияр Астана әуежайынан анасын күтіп алуы керек болған, алайда ол әуежайға бармаған. Осыдан кейін достары оны іздеуге кірісті. Көп ұзамай, Жаманғараевтың көлігі де табылды. Анықталғанындай, көлік ломбардқа тапсырылған.
Бұдан кейін Б. Жаманғараевты іздеуге полицейлер мен еріктілер кіріскен болатын.