Астанадағы бір тұрғын үйдің подъезінде жабындының плитасы құлады. Зардап шеккендер мен құрбан болғандар жоқ

Астана қаласында 2 қабатты тұрғын үйде кіре берістегі баспалдақ жабындысының бір плитасы құлап түсіп, соның салдарынан үйдің қабырғасында сызаттар пайда болған. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Министрлік ақпаратына сәйкес, оқыс оқиға Чехов көшесіндегі 28 пәтерлі үйде 17-сәуір күні болған. Зардап шеккендер мен құрбан болғандар жоқ. Ондағы 115 тұрғынның 20-сы уақытша №12-інші орта мектептің спорт залына, қалғандары туыстарының үйіне көшірілген. Бүгін үйді қалпына келтіру жұмыстары басталады.