«Саламатты Қазақстан» мемлекеттік бағдарламасын жүзеге асыру аясында бүгін Астанада ҚР денсаулық сақтау министрлігінің травматология және ортопедия ҒЗИ-інде жаңа 4 қабатты операциялық корпус ашылды», — делінген баспасөз қызметінің жұма күні таратқан ақпаратында.
Министрліктің мәліметтеріне сәйкес, операциялық корпустың жалпы аумағы 8 726 ш.м, жобаның құны — Т2,682 млрд.
Жаңа операциялық корпустың ғимаратына қабылдау-диагностика, операциялық, анестезиология, жансақтау және қарқынды терапия, орталық стерилизациялық бөлім мен кір жуатын бөлімдер кіреді.
«12 орындық анестезиология мен жансақтау бөлімі заманауи наркоз-тыныс алу аппаратурасымен, кез-келген күрделі анестезиологиялық әдістемелер жасауға арналған мониторлармен жабдықталған», — делінген баспасөз мәлімдемесінде.
Операциялық блокта 9 зал бар, ол да микрохирургиялық техникамен, ірі буындарға, омыртқаға операция жасауға арналған эндоскопиялық жабдықтармен жабдықталған.
Статистикаға сәйкес, жылда республикада 600 мың адам түрлі жарақат алады.
