Астанадағы «Уют» ТК-де болған өртте 33 адам қауіпсіз жерге көшіріліп, бір ер адам ауруханаға жеткізілді
|
Астана қаласының Есіл ауданындағы Сығанақ көшесінде орналасқан 10 қабатты «Уют» ТК-де түнгі сағат 01:22-де үшінші қабаттағы пәтер өртенді. |
Бұл туралы ҚР ТЖМ-нің баспасөз қызметінен хабарлады.
Жалын сағат 01:54-те ауыздықталып, 02:03-те сөндірілді. Онымен күреске ҚР ТЖМ Астана қалалық ТЖД өрт сөндіру қызметінің 27 адамы мен 8 техника бірлігі; ҚР ТЖМ «АМО» ММ-нің 3 адамы мен 1 техникасы жұмылдырылды. Жалын тілі 30 шаршы метр аумаққа тарады. 33 адам қауіпсіз жерге көшірілді, араларында 3 бала бар. Оқиға орнынан 38 жастағы ер адам ауруханаға жеткізілді.
Пікір қалдырыңыз
Пікір қалдыру тіркелген пайдаланушылар ғана мүмкін