Астаналық полицейлер Грузиядан келген ұрыларды ұстады
|
Астанада 15-тен астам пәтерді тонады деген күдікпен Грузияның бұрын істі болған үш азаматы мен Оңтүстік Қазақстан облысының тұрғыны қолға түсті. |
Қалалық ІІД баспасөз қызметінің хабарлауынша, қылмыстық топ мүшелері Астанада кезекті пәтерді тонау барысында құрықталған. Олардан алтын бұйымдар, есікті бұзатын құрал-саймандар тәркіленді.
«Олар елордада 15-тен астам пәтері тонағанын мойындады», - делінген хабарламада.
Аталған факті бойынша қылмыстық іс қозғалып, күдіктілер тергеу изоляторына тоғытылды.
Пікір қалдырыңыз
Пікір қалдыру тіркелген пайдаланушылар ғана мүмкін