9 сәуірде басталған үшінші турдың қорытындысынан кейін жеңімпаздарды анықтау мүмкіндігі туды. Бұл туралы astana.kz сайтына Астана қаласы Туризм, дене тәрбиесі және спорт басқармасының баспасөз қызметі мәлім етті.
«Барыс» спорттық клубы мұз айдынында бес ойында да жеңісті Өскеменнің «Торпедо-03» командасы уысынан шығармады. Олар кезекті рет турдың қорытындысы бойынша ең көп ұпай жинап өз ұстанымдарын сақтап қалды және Қазақстан чемпионы атанды.
Оларға 4:6 есебімен есе жіберген елорданың командасы күміс медальді қанағат тұтты. Астаналық «Алау» командасы төрт кездесуде Өскеменнің «Торпедо-04-ін» — 10:0, Бішкектің «Илбирсін» 7:1, Көкшетаудың «Бурабайы» мен Сәтбаевтың «Қазақмысын» 9:1 есебімен ұтты.
Қырғызстаннан келген «Илбирс» үшінші орынға шықса, қорытынды турда төртінші орынға табан тіреді. Алайда бұрын алған ұпайларының арқасында өздерінің жүлделі орындарын сақтап қалды.
Төртінші орында Ақмола облысының «Бурабайы», бесінші орында — «Торпедо-04».
