Астрахань облысында Құрманғазы атындағы ұлттық кешен ашылады

2005-жылдың қыркүйек айында Ресейдің Астрахань облысында Құрманғазы атындағы ұлттық-мәдени кешен ашылады. Бұл туралы бүгін, 8-маусымда Астанада Астрахань облысы өкілдерінің ҚР индустрия және сауда министрлігінің басшылығымен және Қазақстандық іскертоп өкілдерімен кездесуде Астрахань облысының губернаторы Александр Жилкин құлағдар етті,- деп хабарлайды KZ-today тілшісі.

«Кезінде бұл орталықтың құрылысын салуға біз Қазақстан президентінің қолдауымен кіріскен едік»,- деді А.Жилкин. Оның айтуынша, ұлы ақын әрі сазгер жерленген Астрахань облысындағы Алтын Жар ауылының аумағында Құрманғазы кесенесі ашылған. Ал қазір ұлттық-мәдени кешен құру жұмыстары аяқталуға жақын. «Біз қыркүйек айында кешенді ашуға дайынбыз. Бұл туралы мен бүгін Қазақстан президентін хабардар етіп, президенттің өзін , ел басшылығын және қалаған қазақстандықтарды орталықтың ашылу рәсіміне шақырамын»,- деді А.Жилкин.

Оның айтуынша, Ресей аумағында Құрманғазы атындағы ұлттық-мәдени кешенді құру және оны қаржыландыру жұмыстарына Қазақстанның үш облысы мен РФ Астрахань губерниясы үлес қосуда.