Қоғамның төрағасы Ахмет Жәркеновтың айтуынша, Астрахань облысында жыл өткен сайын қазақ мәдениетіне, халықтың тарихына деген қызығушылық артып келе жатыр. Мұнда қазақ тілінде «Ақ арна» газеті шығып жатыр, қазақ тілін оқытатын мектептер саны артып келеді. Қазақстанмен ынтымақтастық байланыстары нығайып келеді. Осыған дәлел ретінде осы өткізіліп отырған фестивальды айтуға болады, оған Астраханьда тұрып жатқан көптеген ұлттардың өкілдері қатысты.
Фестивальда «Ақмарал», «Самал» шығырмашылық ұжымдары, Құрманғазы атындағы ансамбль өнер көрсетті. Сонымен қатар кітап көрмесі, жергілікті суретшілердің туындылары мен қолөнер туындыларының көрмесі де ұйымдастырылды.
