Сот анықтағандай, «Азық-түлік корпорациясы» АҚ «Д» ЖШС-не бидайды сақтауға берген. Астықты қабылдағаны және оның сапасы туралы АҚП-не (астық қабылдау пункті) кепілхат берген.
Азық-түлік корпорациясы астықтың жағдайын білу мақсатында жоспардан тыс тексеру жүргізіп, нәтижесінде астықтың сапалық көрсеткіштерге сәйкес келмейтіндігін, яғни, сапасыз екенін анықтаған.
Сол себепті сот бұзылған астықтың шығынын өндіріп алуға негіз бар деп таныды.
Келісім-шарттың 5-бөлігінің 1-тармағына сәйкес сақталатын дәннің жетіспеуі, бүлінуі, бұзылуы, сапасының нашарлауы орын алған жағдайда АҚП (астық қабылдау пункті) Азық-түлік корпорациясының пайдасына бүлінген астық құнының 20 пайызы көлемінде айыппұл төлеуі қажет делінген, себебі оның сапасы төмендеген.
Ал, бұл 452 337 668, 40 теңгенің 20 пайызына шыққанда 90 467 533, 68 теңгені құрайды.
Сот жауапкерден белгіленген сомманы өндіріп алуға шешім шығарды.
