Атырау облыстық әкімшілігі мен шетелдік 136 компания қызметкерлер еңбегін пайдалану мәселелері бойынша өзара ықпалдастық туралы келісімге қол қойды

Қазақстан азаматтарын экономикалық және әлеуметтік қорғау тетіктері дәйектелген келісімге шетелдік 136 компанияның өкілдері қол қойды.

Кеңес барысында атап көрсетілгеніндей, 2010-жылға дейін Атырау облысында жаңадан 40 мың жұмыс орны құрылады. «Сол себепті еңбек қатынастары рыногы дәл қазір ретке келтірілмеген жағдайда алдағы уақытта күрделі қиындықтар туындауы ықтимал»,- деді А.Мусин.
Қазіргі жағдаймен Атырау облысында 500-ден астам шетелдік компаниялар жұмыс істейді.
Кеңес барысында Атырау облыстық прокуроры Рахымбек Мамырбаев еңбек ресурстарын пайдалануда Қазақстан заңдарын бұзып отырған «ПрикаспийБурНефть», «Тенгиз-ИнтерГазСтрой», «Сенімді Құрылыс», «Матин», «МұнайМонтажҚұрылыс», «КаспийОйлМонтаж» сынды компаниялардың іс-қызметін қатаң сынады.
Р.Мамырбаевтың айтуына қарағанда, 2005-жылдың 1-тоқсанында облыс бойынша өндірістегі қайғылы оқиғалар дерегі 74 мәрте тіркеліп, олардың 29-ында адам өлімі шықты.
Сонымен бірге Атырау облысының әкімі Аслан Мусиннің шешімімен арнаулы комиссия құрылып, ол еңбек қатынастарын пайдалану саласында Қазақстан заңдарының сақталуын қадағалайтын болады.