Атырау облыс аумағында қару қолданумен жасалған қылмыстардың алдын алу және ашу, атыс қаруы ұрлықтарын жасайтын адамдарды ұстау, жауапкершілікке тарту, атыс қаруын, оқ-дәрілерді, жарылғыш заттар мен жару құрылғыларын заңсыз дайындауға, оның айналымына қарсы іс-қимыл жасау мақсатында 10-12 қараша аралығында «Қару» жедел алдын алу іс-шарасы өтуде.
10 қараша күні сағат 13.20 шамасында белгісіз адам Қызылқоға ауданы Миялы селосындағы азық-түлік дүкендерінің біріне кіріп, қолындағы қаруымен 1963 жылғы туылған азаматты қорқытып, ашық түрде күш көрсету арқылы дүкен кассасынан 20 мың теңгені алып кеткен.
«Қару» жедел іс-шарасы барысында сол ауданның 1978 жылғы туылған тұрғыны анықталып ұсталып, айғақ зат ретінде 16-калибрлі дара ұңғылы шолақ мылтығы тәркіленді. Күдікті өз кінәсын мойындап, қазіргі уақытта ҚР ҚІЖК 128 бабына сәйкес, уақытша ұстау абақтысына қамауға алынды. «Қару» жедел алдын алу іс-шарасы барысында жалпы саны 6 тапанша тәріздес пневматикалық қару мен 2 шолақ мылтық тәркіленді», делінген хабарламада.
Атырау облысында ер адам қарумен қорқытып, дүкен тонаған
