Баукеспелер үй иелері жоқ кезде алтын, гауһартаспен көмкерілген зергерлік бұйымдар, құндыз тондар мен бөріктерді, сейфтерді үптеп кетіп отырған. Сөйтіп, Құлсарыда 13 үйге ұрлыққа түскен. Сұғанақтардың екеуі – Атырау облысының тұрғындары. Үшіншісі – қызылордалық. Бұл үшеудің 2012 жылы Құлсары қаласында болған тағы бір ұрлыққа қатысы бары анықталып отыр. Ол кезде жергілікті кәсіпкердің үйінен 400 мың доллар ақшамен қоса 200 мың доллардың бағалы заттарын алып кеткен екен.
Гүлнәзира Мұхтарова, Атырау облыстық ІІД баспасөз қызметінің жетекшісі:
-Айғақ заттар Құлсары қаласында және Қызылорда облысында тәркіленді. Бірақ көптеген зергерлік бұйымдардың иелері әлі анықталған жоқ. Жедел іздестіру шаралар жалғасуда. Қосымша ақпараттардың әлі де анықталуы мүмкін.