Атырауда бір аптаның ішінде жедел жәрдем қызметкерлеріне екі мәрте шабуыл жасалды

Алғашқы оқиғада жынданған қыздың туысқандарының шақыруымен келген дәрігерлік топтың фельдшерін әлгі қыз соққыға жыққан. Ал екінші оқиғаға келсек, жедел жәрдем тобының фельдшері мен санитарына сотқар мастар шабуыл жасаған көрінеді. Санитар қыз айтарлықтай зардап шеккен жоқ, ал шабуылшылардың бірі фельдшердің басынан темір тұрбамен ұрып жіберген. Қазір ол облыстық ауруханада жатыр. Дәрігерлер оның жағдайын орташа ауыр деп бағалауда.