Жарияланды: 340

Атырауда қоғамдық көлік жүргізушілері наразылық білдірді

Атырауда қоғамдық көлік жүргізушілері бас көтерді. Олар салық заңнамасына қатысты жаңа өзгерістерге наразылық танытуда. Себебі жүргізушілер кассалық аппарат орнатып, табыстың барлығы қадағалаудан өтуі тиіс болатын. Бірақ құзырлы органдар алдын ала ескертпей, айып салып әбігерге түсірді дейді жұртшылық.

- Ескертпейді ме бір ай бұрын, немесе жаңа жылға дейін уақыт бермейді ме? Біз аппарат алмаймыз деп жатқан жоқпыз, аламыз аппарат. Бірінші ескертсін, сосын салсын штрафты.

Осылайша 10 бағытта жолаушылар тасымалдайтын қоғамдық көлік қатынаусыз қалғандықтан атыраулықтардың басым бөлігі бүгін жұмысқа кешікті. Ал салық департаменті қызметкерлерінің құрығына түскен автобус жүргізушілері 25 мың теңге көлемінде айыппұл төлеуге мәжбүр. Себебі оларда тиісті кассалық аппарат орнатылмаған болып шықты. Ал жүргізушілердің барлығы бүгін күшіне енген заңнама жайлы хабарсыз екен. Ашынған жұртшылыққа басу айтуға келген шенділер орын алған олқылықтардың барлығын қалпына келтіруге уақыт берілетіндігін жеткізді. Яғни алдағы 10 күн ішінде оларға айыппұл салынбайтын болды.

Асқар Амандосов, автобус жүргізушісі:

- Бүгін ескертпестен бізге айыппұл сала бастады. Кассалық аппараттарың жоқ дейді. Сондықтан барлығымыз рейске шықпаймыз. Шықсақ штраф жазады. Ондай ақшаны біз қайдан табамыз.

Пікір қалдырыңыз

Пікір қалдыру тіркелген пайдаланушылар ғана мүмкін