Бұл туралы Caravan.kz медиа порталы Sputnik.kz-қа сілтеме жасап хабарлайды.
Қазгидрометтің мәліметінше, 4 маусымға қарай солтүстік антициклон республика аумағы арқылы жылжи бастайды. Бұл ауа температурасының айтарлықтай төмендеуіне алып келеді.
Түнде және таңертең солтүстік аймақтарда 2 градусқа дейін үсік жүруі мүмкін.
Ірі қалалардағы ауа райы
Елордада 2 маусымда күндіз плюс 21, түнде 9 градус жылы. Жұмада күн бұлтты +20 градус, түнде 13 градус нөлден жоғары. 4 маусымда жауын жауады, күндіз +20, түнде 11 градус жылы.
Алматыда бейсенбіде найзағай ойнап, жаңбыр жауады. Күндіз +24, түнде плюс 16 градус. 3 маусымда да азын-аулақ жауын, күндіз 22, түнде 15 градус жылы. Сенбіде ауа температурасы +23, +15 шамасында.
Шымкентте 2 маусымда күндіз плюс 31, түнде + 18 градус. Жұмада аздаған жаңбыр болады, + 27, түнде +16 градус. 4 маусымда күн ашық, күндіз 29 градус ыстық, түнде +15.
