Атап айтқанда, Алматы облысында 30 қараша күні сағат 14:20-дан бастап ауа райының қолайсыздығына байланысты (боран, жол көрінісінің шектелуі) «Үшарал-Достық» автожолының 93-184 шақырымында автокөліктің барлық түрлері үшін жол қозғалысына шектеу қойылды. Сонымен қатар сол күні кешкі сағат 20:30-дан бастап ауа райының қолайсыздығына байланысты (боран, жол көрінісінің шектелуі) «Алматы-Өскемен» жолының 79-170 шақырымында «Қапшағай-Сарыөзек» учаскесінде қоғамдық және жүк автокөліктері үшін жол қозғалысы шектелді. Сонымен қатар бүгін таңғы сағат 09:00 бастап ауа райының қолайсыздығына байланысты (боран, жол көрінісінің шектелуі) «Кеген-Нарынқол» автожолының 41-61 шақырымында «Кеген асуы» бойында, «Алматы-Көкпек-Көктал-Қорғас» жолының 152-164 шақырымында автокөліктің барлық түрлері үшін жол қозғалысына шектеу қойылды.
Шығыс Қазақстан облысында 30 қараша күні сағат 21:30-дан бастап Алматы облысындағы жол қозғалысындағы шектеуге байланысты (боран, жол көрінісінің шектелуі) «Алматы-Өскемен» автожолының 683-615 шақырымында «Таскескен бұрылысы-Алматы обл шекарасы» учаскесінде қоғамдық және жүк автокөліктері үшін жол қозғалысы жабылды.