Тимур Әкіжанов жақында тоғыз жасқа толды. Осыншама жыл анасы өлім мен өмірдің ортасында жатқан ұлының жанынан бір сәтке де алыстаған емес. Науқас туа сала, гидроцефалия дертіне шалдыққан- баланың миына су жиналып, соның салдарынан басы шамадан тыс үлкейіп кеткен. Қазір бас сүйегінің көлемі 80 см; ол күн өткен сайын ұлғайып барады.
Людмила Гофман, анасы:
— Дәрігерлер: «бұл — айықпас кесел, жазылып кетуге мүмкіндік жоқ» деп кесіп айтты. Бауыр етім балам ғой. Үш жарым жасында басына операция жасаттым. Өкінішке қарай сәтсіз болды. Қазір медициналық тексерілуге барсақ, дәрігерлер балаңыз «әлі тірі ме?»деп таң қалады…
Негізібұл кеселге шалдыққан сәбилер ерте шетінеп кетеді екен. Өз жасындағы балаларға мүлдем ұқсамайтын Тимурдың көрер жарығы бар болар. Бірақ, не сөйлей, не өздігінен жүре алмайды.
Бұл «айықпас кесел»деп, Тимурды емдеуден бас тартқан отандық және батыстық медицинадан көңілі қалған ана дертке емді өз бетінше іздеуге кірісті. Ғаламтор арқылы Пекин медициналық институтын тауып алды. Аспан асты еліндегі дәрігерлер баланы дің жасушаларымен емдеуге келісім берген.
Қытайда операция жасату үшін 5 млн теңге қажет. Отбасында мұндай қаржы жоқ. Сондықтан олар жомарт көңілді қайырымды жандардан көмек сұрап отыр. Тоғыз жасар Тимурға көмектесемін деушілер төмендегі телефон нөмірлеріне хабарласуына болады.
8-702-288-48-30, 8 (72131) 4-77-02
