Бұл тізімді Ақтөбе бастап тұр. Ақтөбенің «Орталығы» соңғы 6 жылда осымен 4 рет ең көп жанкүйер жинайтын стадион болып отыр. Бұған дейін мұндай мәртебеге 2008 жылы Қызылжардың «Авангард», 2005 жылы Павлодардың «Орталық» стадиондары ие болған еді. Премьер-Лига матчтарына биыл орта есеппен 4 137 адам келген. Ол 2009 жылы — 3 770, 2008 жылы — 3307, 2007 жылы — 3578, 2006 жылы — 3951 адамды құраған болатын.
Өз алаңдарындағы ойындарына жинаған жанкүйерлерінің орташа көрсеткіші жағынан Премьер-Лига командаларының арасында «ақтөбеліктер» — 6 888 адаммен көш басында дара келе жатыр. Ең аз жанкүйер жинаған команда Алматының «Қайраты» (1 116) болып отыр. Ал бұл көрсеткіш Қостанайдың «Тобылында — 5 531, Қарағандының «Шахтерінде» — 5 406, Атыраудың «Атырауында» — 5 000, Астананың «Локомотивінде» — 4 788, Павлодардың «Ертісінде» — 4 769, Оралдың «Ақжайығында» — 4 688, Тараздың «Таразында» — 4 188, Шымкенттің «Ордабасында» — 3 688, Талдықорғанның «Жетісуінде» — 1 981, Көкшетаудың «Оқжетпесінде» — 1 600 жанкүйер.
