Азаматтық қоғам және демократияландыру мәселелері жөніндегі ұлттық комиссия Қазақстандағы саяси реформаларға қатысты мәселелерді жаппай талқылай бастауға шақырады

«Саяси жүйені реформалау жолдары төңірегінде елімізде өрбіген бір-біріне мүлдем кереғар пікірталастар Қазақстанда шын мәнінде саяси пікір алуандығы орныққанына дәлел бола алады»,- делінген мәлімдемеде.

Құжатта атап көрсетілгеніндей, елімізде бүгінде парламенттің бақылау функцияларын күшейтуге, сот-құқықтық жүйені жетілдіру және жергілікті өзін-өзі басқару үрдісін қолданысқа енгізуде үкіметке жүктелетін жауапкершілік пен құқыққа қатысты ұсыныстар жобасы жасалды. «Бұл өзгерістерді жүзеге асыруға тиімді президенттік билік институты кепілдік береді»,- дейді Ұлттық комиссия мүшелері.
«Нығая түскен мемлекеттілігіміз, халықтың әл-ауқатының барған сайын арта түсуі мен тұрақтылық Қазақстан халқын одан бетер бекем біріктіріп, ұлтаралық келісімді нығайтуға түрткі болуы тиіс»,- делінген мәлімдемеде.