Азаматтық қоғам және демократияландыру мәселелері жөніндегі ұлттық комиссия Қырғызстандағы ахуалдың тез арада тұрақтанатына сенім білдіреді

"Бауырлас Қырғызстан Республикасында жағдайдың бақылаудан шығып, тәртіпсіздіктер мен құрбандықтарға жол берілгеніне өкініш білдіремін. Бірақ біз дағдарыстан шығудың тиімді жолы табылып, жағдай тұрақтанады дегенге сенеміз". Бұл туралы бүгін, 29-наурызда комиссияның кезекті отырысын ашып сөз сөйлеген Қазақстан президентінің жанындағы азаматтық қоғам және демократияландыру мәселелері жөніндегі ұлттық комиссияның төрағасы Болат Өтемұратов мәлімдеді,- деп хабарлайды KZ-today тілшісі.

«Біз Қырғызстан Республикасының болашағына, аймақтағы тұрақтылық пен шекаралардағы тыныштық үшін алаңдаушылық білдіреміз»,-деді Б.Өтемұратов.

Осыған байланысты Қауіпсіздік кеңесінің басшысы «Қазақстанда ұсынылып отырған реформалардың озықтығы мен Ұлттық комиссия қолға алған диалогтың маңыздылығын» атап өтті.