Әзербайжанның Қазақстан Республикасындағы төтенше және өкілетті елшісі тағайындалды

Әзербайжан президентінің 29-қаңтардағы бұйрығымен Гандилов Лятиф Сейфаддин оглу Әзербайжанның Қазақстан Республикасындағы төтенше және өкілетті елшісі болып тағайындалды. Бұл туралы KZ-today тілшісіне Әзербайжан президентінің әкімшілігінен хабарлады.

«Әзербайжан Республикасының шетелдердегі дипломатиялық өкілдіктерінің басшылары үшін дипломатиялық ранг және дипломатиялық дәреже тағайындау туралы» осы елдің заңына сәйкес, мемлекет басшысының тағы бір бұйрығымен Л.Гандиловқа Әзербайжан Республикасының төтенше және өкілетті елшісі деген ранг берілді.