Аталған халықаралық жиынға 11елден 62 ғалым қатысты. Симпозиумда түркітілдес халықтардың музыкалық аспаптар түрлері мен ерекшеліктері, музыкалық аспаптардың технологиясы мен акустикасы, түркі әлем аспаптарының коллекциясы, сазгерлік саласындағы дәстүрлі музыка аспаптары, жоғалып немесе ұмытылып кеткен аспаптардың қайта жандандырылуы сияқты тақырыптар талқыланды.
Сонымен қатар, ТҮРКІСОЙ халықаралық ұйымының тарапынан жарияланған «Махдумоғлұ Ферагидің таңдамалы шығармалары» атты кітабының таныстырылымы болып өтті.
Сондай-ақ, ТҮРКІСОЙ мүше елдері мен Америка және Еуропадан келген ғалымдардың қатысуымен болып өткен симпозиумда жасалған баяндамалар кейін кітап ретінде де жарияланатын болады.
