Азия және Мұхит аймағы елдерінің даму институттары қауымдастығының 27-ші кездесуі Астанада өтеді - Қазақстан даму банкінің президенті

Азия және Мұхит аймағы елдерінің даму институттары қауымдастығының 27-ші кездесуі Қазақстан Елордасында өтеді. Бұл туралы бүгін, 2-ақпанда Астанада өткен қысқаша баспасөз мәслихатында Қазақстан даму банкінің президенті Қамбар Шалғымбаев хабарлады.

Оның пікірінше, бұл кездесудің Астанада өтуінің өзі «Қазақстан даму банкінің даму институты ретінде қалыптасып үлгергенін» көрсетеді.

Қ.Шалғымбаев осы орайда елімізге инвестициялық бедел қалыптастырып, инвестиция тарту үшін бұл деректің маңызы зор екенін атап өтті.
Қауымдастыққа Қытай даму банкі, Корея даму банкі, Түркия даму банкі, Үндістан экспорт-импорт банкі, Қазақстан даму банкі сынды танымал даму институттары мүшелікке өткен.