Азық-түлік тауарларының бағасы 12,4 пайызға өсті

Ағымдағы жылғы мамырда өткен жылғы тиісті аймен салыстырғанда баға жармаға 2,1 есе, ал май және тоң майға — 23,5, ұнға — 19, жемістер мен көкөністерге — 16,4, қантқа — 16,3, сүт өнімдеріне — 10,3, кофе, шай және какаоға, макарон өнімдеріне — 8,7, кондитерлік өнімдерге — 7,3, нанға және алкогольді ішімдіктерге 4,6 пайызға өсті.

Аталған кезеңде ет (ет өнімдерін қоса) бағасының өсімі 15 пайызды құрады. Қой етіне баға деңгейі 18,5, құс етіне — 10,8, жылқы етіне — 10,2, шұжық өнімдеріне — 9,8, шошқа етіне 5,5 пайызға жоғарылады.