Бағдарламаларды титр арқылы берілетін мемлекеттік тілдегі ілеспе аудармамен қоса тарату "Тіл туралы" заңды орындауға жатады - ақпарат вице-министрі

"Қазақстандық телеарналардың бағдарламалары титр арқылы берілетін мемлекеттік тілдегі ілеспе аудармамен қамтамасыз етілсе, бұны біз "Тіл туралы" заңды орындау деп қабылдаймыз",- деп мәлімдеді бүгін, 18-қарашада "БАҚ туралы " заңның жобасын талқылау жөніндегі жұмыс тобының отырысында ҚР ақпарат министрінің орынбасары Ардақ Досжан.

Алайда, дейді вице-министр, «компаниялар бұл тәсілді пайдалана бермейді»,- деді. А.Досжанның пайымдауынша, «титрді беретін машина мен тәржімашы болса жетіп артылатын бұл тәсіл көп шығынды талап етпейді». Осы орайда вице-министр «бұл тәсілді өз жұмысында қолданып келе жатқан кейбір компаниялар оның сұранысқа ие екенін көрсетіп берді»,- деп атап көрсетті.