Байқоңырда Astra-1M жер серігі мен "Протон-М" зымыран тасығышын жалпы құрастыру жұмыстары аяқталды

Байқоңыр. 29 қазан. "Қазақстан Бүгін" - Байқоңырдан Люксембургтің Astra-1M телекоммуникациялық жер серігі мен "Протон-М" зымыран тасығышын жалпы құрастыру жұмыстары аяқталды, деп хабарлайды агенттік тілшісі Роскосмос агенттігінің баспасөз қызметіне сілтеме жасап.

Еуропаның Astra-1M телекоммуникациялық жер серігін "Протон-М" зымыран тасығышымен 2008 жылдың 6-қараша күні Астана уақытымен 02 сағат 44 минутта ұшыру жоспарланған. Бұған дейін ұшырылым екі мәрте кейінге шегерілді. Astra-1M жер серігін Еуропаның EADS Astrium концерні SES Astra (Люксембург) компаниясының тапсырысы бойынша жасаған. Салмағы 6 тоннадан асатын ғарыштық аппарат 36 транспондермен жабдықталған және телекоммуникациялық қызметтер мен телевидение сигналын HDTV форматында жеткізуге арналған. Astra-1M жер серігі геостационар орбитада 15 жыл белсенді жұмыс істеуге тиіс. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Әріптестер жаңалығы

Пікір қалдырыңыз