Байқоңырда "Бриз-М" үдеткіш блогын ұшыруға дайындық жұмыстары жүргізілуде

Бүгін, 16-тамызда Байқоңыр ғарыш айлағының 92А-50 монтаж-сынақ корпусында "Бриз-М" үдеткіш блогын ұшыруға дайындық жұмыстары басталды. Бұл туралы KZ-today тілшісіне "Байқоңыр" Федералдық ғарыш орталығынан хабарлады.

«Бриз-М» үдеткіш блогы ғарыш айлағына дүйсенбі күні кешкісін жеткізілді. «Бриз-М» үдеткіш блогы «Протон-М» зымыран тасығышымен бірге жер орбитасына Канаданың Anik F1R телекоммуникациялық жер серігін алып ұшады.

Бұдан бұрын да хабарлағанымыздай, телекоммуникациялық жер серігін алып ұшатын «Протон-М» зымыран тасығышы 2005-жылдың қыркүйек айында аспан кеңістігіне жол тартады деп күтілуде.
Anik F1R телекоммуникациялық жер серігі Солтүстік Америка аумағында тікелей телехабарларын таратуға арналған.