Баспасөз қызметінің ақпаратына сәйкес, «бүгін №92А-50 алаңның монтаж-сынақ корпусында «Протон-М» зымыраны мен «Бриз-М» үдеткіш блогының ғарыштық бас бөлігі құрастырыла бастады».
Еуропаның Astra-1M телекоммуникациялық жер серігін «Протон-М» зымыран тасығышымен 2008 жылдың 3 қарашасында ұшыру жоспарланған.
Astra-1M жер серігін Еуропаның EADS Astrium концерні SES Astra (Люксембург) компаниясының тапсырысы бойынша жасаған.
Салмағы 6 тоннадан асатын ғарыштық аппарат 36 транспондермен жабдықталған және телекоммуникациялық қызметтер мен телевидение сигналын HDTV форматында жеткізуге арналған. Astra-1M жер серігі геостационар орбитада 15 жыл белсенді жұмыс істеуге тиіс.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
